Address Of Beelzebub
Long life, my Lord, an' health be yours,
Unskaithed by hunger'd Highland boors;
Lord grant me nae duddie, desperate beggar,
Wi' dirk, claymore, and rusty trigger,
May twin auld Scotland o' a life
She likes - as lambkins like a knife.
Faith you and Applecross were right
To keep the Highland hounds in sight:
I doubt na! they wad bid nae better,
Than let them ance out owre the water,
Then up among thae lakes and seas,
They'll mak what rules and laws they please:
Some daring Hancocke, or a Franklin,
May set their Highland bluid a-ranklin;
Some Washington again may head them,
Or some Montgomery, fearless, lead them,
Till God knows what may be effected
When by such heads and hearts directed,
Poor dunghill sons of dirt and mire
May to Patrician rights aspire!
Nae sage North now, nor sager Sackville,
To watch and premier o'er the pack vile,
An' whare will ye get Howes and Clintons
To bring them to a right repentance
To cowe the rebel generation,
An' save the honour o' the nation?
They, an' be damn'd! what right hae they
To meat, or sleep, or light o' day?
Far less - to riches, pow'r, or freedom,
But what your lordship likes to gie them?
Note added 04 June 2013 More Lords distinguishing themselves in this area. Newly-accessioned Lord Ridley, author of The Rational Optimist, and of many other powerful presentations and articles. Lord Donoughue for sustained Parliamentary Questioning of the Met Office. Lord Lipsey for calling the bluff and bluster of a prominent Guardian alarmist.